open ale

29/3/2025

open la ala li lon
ale li pimeja
ijo wan taso li lon
ijo li ken ala lukin
taso ijo li pilin
ijo li luka e ma lon anpa ona
zz li luka e kiwen e ko e telo
zz li wile lukin e ma
taso pimeja li ken ala e lukin

ijo li wile li wile li wile a
wile li wawa e ijo
pini la ijo li kama suno
pimeja li weka

suno li ken lukin e ma
taso ma li jaki
nasin ike la ma ale li supa li kule sama li sijelo sama
suno li wile ante e ma kepeken wile ona
suno li open e pali

suno li tawa e kiwen e ko
zz li lon e nena e lupa e sijelo ante
zzzzzz e kule ale
zzzzzz e kasi lon selo ma
zzzzzz e soko lon anpa ma
kasi li lawa e ale la suno li lon e soweli
soweli li wile e moku la ona li moku e kasi
ale li lon
ale li tawa
ale li pona

pali li pini la wawa suno li weka
suno li lape
taso pimeja li moli ala
weka la pimeja li pilin ike
ona li wile pini e lawa suno
pimeja li lape ala

sin la pimeja li lawa e ale
ona li ike e pali suno
soweli li moli e soweli
kule kasi li weka
telo li wawa li pakala e ma
ike a

pali suno la soweli li mute
akesi en kala en pipi en kijetesantakalu li lon
sama la jan li lon
jan li pilin monsuta
ona mute li moli tan pimeja
suno li pana e pona mute lon tenpo pini
jan li wile e kama sin suno
zz li open toki tawa suno lon insa ona
zz li wile li wile li wile a
zz li wile sama suno lon open ale
suno li kute e wile
zz li pini e lape

suno li utala e pimeja
utala li awen lon tenpo mute a
mute la ma li kama ante
pona en ike li kama
taso pini la suno li anpa e pimeja

taso anpa ni li pini ala e utala
wawa suno li weka
suno li wile lape
suno li lape la pimeja li kama sin
utala li ken ala pini
ni la suno li pana e mun mute tawa sewi1
pimeja la mun li lukin li toki e ike tawa suno
suno li lon e mun suli
zz li pana e suno ona pi mute lili tawa ona
mun suli li lawa e mun lili

pini la suno li toki tawa jan
ona li pilin monsuta ala la suno li pana e seli
seli li suno lili
jan li ken lawa e seli
jan la suno li pona e ale
ni la ona li pana e nimi sewi tawa ona
zzzzzz li toki e wile lon insa sama open
sewi li kute e wile ale

pini

↩