open jan

10/4/2025

open la jan li sama soweli li sama akesi
ona li moku e kili taso
zz li jaki2 tan anpa ma
zz li lon kulupu lili lon anpa kasi
zz li wile suli ala
jan li sona ala e monsuta
ona li lape mute li pali lili
zz li pilin pona

lawa pimeja li ante e ni
kili li weka la jan li open moku e soweli
kulupu li lili
moli li suli
nanpa wan la jan li pilin monsuta
sewi li anpa e pimeja la pona li kama sin
taso ike li weka ale ala

sewi la jan li kama sona e wile
ona li wile e namako
ona li wile e moku pi (pona namako)
zzzzzz e len pi (pona namako)
zzzzzz e tomo pi (pona namako)
jan li pali suli tan ni
ma tomo li kama suli a
kulupu mama li suli
lawa en esun en mani li open

taso wile jan nanpa wan li sona
jan li alasa e sona
ona li wile sona e tan ale
te ijo li tawa tan seme
zz seme li kama e seli e lete
zz seme li lon ma ante
zz mi wile moku tan seme
zz kasi li seme e mi
zz mi moli la mi lon seme
zz mi tan seme to
wile sona li pona e jan
ona li alasa e ma ante
zzzzzz e ijo ante
zzzzzz e pona namako
tan wile sona la jan li lon

jan li kama sona e mute a
kepeken sona la ona li suli e ken ona
kulupu li suli li suli li suli
tomo en moku en len li mute li pona
sin la jan li lape mute
pali li pini

jan li pilin pona lon insa tomo
zz li wile ala lon ma ante
wile sona li pini
tenpo li tawa la sona mute li weka

taso jan li pilin weka lon insa
ona li wile
ona li wile e seme
ona o wile e ijo
tenpo pini la ona li wile e sona
tenpo ni la ona o wile e seme
jan li sona ala
tenpo mute la pilin ike li kama tan ni
jan li wile pini e pilin ni
pini la ona li kama sona e ijo
ijo li pini e pilin weka
utala

jan li utala e jan
jan li moli e jan
jan li lon e kulupu mute
jan li utala e kulupu ante
kulupu li utala e kulupu
utala li suli
taso ona li utala ala tan wile mani anu wile lawa anu wile moku
ona li utala tan wile utala taso
ona li moli tan wile utala taso

pimeja la mun suli li lukin e utala jan li toki tawa sewi
te jan li utala li moli e jan kepeken seli sina to
sewi li pilin monsuta
jan li pona suli tawa ona
taso pimeja li kama lawa e jan
sewi li kulupu e jan li toki tawa ona

te pimeja li kama e utala
zz ona li wile e moli sina
zz mi pana e seli mi tawa sina la mi ken ala lawa e sina
zz taso o kute
zz sina awen e utala la mi kama e ike
zz telo wawa li pakala e kili
zz soweli monsuta li alasa e kulupu
zz o pini e utala
zz sina ni la sina ken lukin e suno mi
zz sina ni ala la suno mi li pakala e selo sina e lukin sina to

pini toki la sewi li suno
jan mute li kama pakala tan ni
ona li awen e utala
taso jan pi (mute lili) li ken lukin e suno
ona li kama sona e mute
zz li kama sona e wile sewi
nimi ona li te jan suno to
ona li kulupu li pali e pona
zz li pana e toki sewi

jan ante li kama toki jaki tawa sewi
ike li kama
moku li lili
taso utala li pini ala

↩